Makaligad ang isa ka tuig matapos nasapwan sa sulod sang septic tank sa Korea ang bangkay ni Angelo Claveria sang Cabatuan ,Iloilo, naaresto na ang suspek sa pagpatay sa iya nga si Yoguslav Magtoto sang nakaligad nga adlaw ,Abril 3. Sa gahum sang warrant of arrest gikan sa Korean authorities, gin- aresto si Magtoto sang NBI International Operation Division sa Candava Pampanga. Madumduman nga sang tuig 2015 pa namissing si Claveria apang Abril 2018 sang nasapwan ang bangkay sini sa sulod sang septic tank. Naguwa sa imbistigasyon sang mga otoridad nga nagkagusto ang suspek sa biktima apang wala siya sini ginbaton kabangdanan nga iya ini ginpatay. Nahibaluan tuig 2016 pa nakabalik sa Pilipinas ang suspek kag nakawithdraw pa sa Debit Card sang biktima sa balor nga P47,600. Sa karun,nagahulat pa sang extradition request ang NBI para mabalik sa South Korea ang suspek agud atubangon ang kaso nga murder batuk sa iya.
