Davao City – Nadakpan na ang usa sa mga suspek kinsa mipusil-patay sa usa ka Brgy. kagawad sa National Highway, Barangay Binuangan, Maco, Comval Province.
Sa report gikan sa Police Regional Office kun PRO XI, giila ang suspek nga si Bryan Genon Peñaranda, 36 anyos, minyo ug residente sa Makambol, Dawan, Mati City, Davao Oriental kina napusilan sa iyang paa sa responding team sa insidente niadtong adlawng Martes, Hunyo 26, 2018.
Matud pa nga nasikop ang suspek sulod sa Davao Regional Medical Center Apokon, Tagum City kinsa positibong gitudlo sa responding team nga ilang na-engkwentro.
Giandam na sa kapulisan ang dokumento sa pagpasaka og kasong murder batok sa suspek tungod sa pagpatay sa kagawad.
Kahinumduman nga human sa oath-taking ceremony sa Maco Municipal Gym, misakay sa iyang pick-up ang biktimang si Omar Macusang, 45 anyos, kinsa midaog isip brangay kagawad sa Brgy. Pangi sa nasangpit nga lugar ug didto gisundan dayon gipusil sa makadaghang higayon hinungdan sa hinanaling kamatayon.
RadyoMaN Renz Barbarona
