Napatay sa kapolisan kagabii ang suspek sa drug buy bust operation nga si Maingko Alinog alyas Mike human kini nakigpinusilay sa mga otoridad.
Gikabutyag nga si Alinog ang suspek sa pagpusil patay kang John Mark Lagumbay sa Tangkongan, Pinikitan, Camaman-an ning syudad niadtong miaging mga adlaw.
Gisugdan ang operasyon kagahapon sa alas kwatro sa hapon sa Vamenta, Barra, Opol, Mis. Or., pinaagi sa joint operation sa mga personahe sa COCPO ug Opol Municipal Police station.
Nasayran nga nakigpinusilay pa ang suspek sa kapolisan, hinungdang samaran ang duha ka police sa COCPO nga silang Police Corporal Reynante Rara sa iyang tuong kamot ug Police Staff Sgt. Rex Tenio sa walang bukton.
Hinuon, nadala na sa JR Borja General Hospital ang duha ka polis ug dali usab kining giatiman sa mga doctor.
