Anaa na karon sa kostudiya sa National Bureau of Investigation (NBI) ang suspek sa pagpatay kang Liloy Acting Presiding Judge Reymar Lacaya
Ang nasikop nga suspetsdao mao si Juliver Cabating, drayber ug sinaligan ni kanhi NBI agent ug kasamtangang Judge Oscar Tomarong, gi presenter kini sa media niadtong adlaw nga huwebes.
Gibutyag ni NBI spokesman and Deputy Director Ferdinand Lavin, nga si Judge Tomarong ang usa sa mga gitan-aw karon nga “person of interest” sa mao nga murder case.
“We consider the judge (Tomarong) as a person of interest in this case. We are seriously looking at his involvement,” Lavin told reporters on Wednesday.
Gidugang ni Lavin nga si Tomarong kanhi kini NBI agent sa wala pa nahimong hukom ug nadestino kini sa Anti-Graft Division.
Didto kini nasikop si Cabating sa Mati Davao Oriental niadtong setyembre 2, 2019 pinaagi sa NBI’s Tagum District Office (NBI-TAGDO) sa pakig alayon sa Naval Intelligence Service Group (NISG-EM) ug sa Philippine National Police-Regional Intelligence Division of Region 11.
Naaresto si Cabating pinaagi sa gahum sa arrest warrant nga gipagula sa Liloy Regional Trial Court (RTC), kinsa nag atubang sa kasong pagpatay uban sa duh aka mga suspek nga naila lamang nga sila si “Jerry” ug “Ramil.”
Gidugang ni Lavin nga dali nilang giaresto si Cabating aron nga maimbestigahan.
Si Judge Lacaya gipusil niadtong Mayo 9, 2019 samtang padulong sa iyang sakyanan para mopauli.
Atol sa mao nga panghitabo nakuhaan ug Closed-circuit television (CCTV) footage si Cabating nga nakigkita nila Jerry ug Ramil duol sa RTC sa susama nga adlaw.
Sa wala pa nahitabo ang mao nga pagpamusil ang asawa sa biktima mitug-an sa mga imbistigador nga misugilon kaniya si Judge Lacaya niadtong Mayo 5, 2019 nga si Judge Tomarong nasuko kaniya tungod sa iyang trabaho ug walay nay laing detalye pa ang gidugang sa biktima.
