Davao City – Nadakpan na sa kapulisan ang suspetsado sa paghold-up ug pagdunggab sa biktima nga usa ka general accounting supervisor nga giilang si Pauline Ortiz kaniadtong miaging semana sa may dalang Palm Village Subdivision Barangay Bangoy ning dakbayan sa Davao.
Sa gilusad nga Joint Operation sa San Pedro ug Sta. Ana PNP kauban ang pwersa sa Special Weapons and Tactics (SWAT) team, nadakpan ang suspek nga si Carlito Abenisio, 21 anyos, nagpuyo sa Moonfort Barangay 19-B Bajada ning dakbayan diin narekober sa iyaha ang usa ka improvised nga handgun kun sumpak lakip na ang usa ka bala sa .38 caliber.
Sa pakighinabi sa RMN News Team kaniya, gilimod sa maong suspek nga dili siya ang midunggab ug dili iyaha ang mga narekober nga armas.
Ang dinakpan mag-atubang og kasong kalapasan sa Republic Act 10591 kun Illegal Possession of Fire Arms and Ammunition.
Sa pikas bahin, gipasakaan og kasong robbery ang mga suspetsado nga mao sila si Jasper Jemincio Abi Abi, alyas Jamesboy nga usa ka menor de edad ug usa nga nakasibat nga si Alvin Amaro, pareho nagpuyo sa Barangay 76-A Bucana ning siyudad.
Kahinumdoman nga alas 3 sa kadlawon kalit giduol sa mga suspetsado ang biktima nga si Aida Bustamante, 42 anyos, nagpuyo sa Bolton Extension Brgy. 1-A, dayon gi-labni sa mga suspetsado ang shoulder bag nga adunay mga alahas ug cash nga mokantindad og 55-mil ka pesos nahitabo atubangan sa Philhealth Office ning syudad.
Daling miresponde ang kapulisan sa maong panghitabo resulta sa pagkasikop sa duha ka suspek.
RadyoMaN Don Pulayao
