Suspek sa serye it panakawan iya sa banwa it Kalibo, arestado

Kalibo, Aklan – Arestado it mga kapulisan rong suspek sa mga serye it panakawan iya sa banwa it Kalibo.
Nakilaea rong suspek kay Emelito Alapag y Roldan, 31-anyos ag residente it Brgy. Bakhaw Norte, Kalibo, Aklan.
Suno kay PO2 Eric John De Lemos it Theft and Robbery Section kung Kalibo PNP nga may nag report nga taga Bakhaw Norte man (indi eon magpa mention it pangaean) nga imaw hay tinakawan it tatlo ka cellphone ag P10,000.00 pesos nga cash.
Pero tag natabo rong pagsueod sa baeay it biktima mga alas 3:00 ro aga-aga hay nahabugtawan ra imaw nga buyot ro mga cellphone ag may kutsilyo. Nagpakuno kuno eang nga tueog.
Nagpatigayon it pag follow up rong mga kapulisan ag kaina it agahon hay na timingan imaw nga naga pauli ag dayon nga gin aresto.
Na recover kana rong cellphone ag uwa eon ro cash.
Nasayuran nga imaw man ra rong suspek sa mga panakawan sa Bakhaw Sur, Bakhaw Norte, Old Buswang ag Peraz Ville.
May mga dati mang kaso ray nga pagpamuno, robbery ag carnapping.
Sa makaron hay deatined sa Kalibo PNP si Alapag ag ginahueat pa ro ibang mga biktima para nga imaw mapasakaan it kaso.

Facebook Comments