Davao City – Karong adlawa (September 4, 2020) ipasaka ang kasong Arson batok Roberto Mananlong, 44 anyos, gi-akusahang misunog sa girentahang boarding house nga gipanag-iyahan ni Rose Manguidatu sa Sitio Sto. Niño, Brgy. Leon Garcia, Agdao, syudad sa Davao, diin 60 ka mga balay ang nasunog alas 2:00 sa kadlawon.
Sa interview sa DXDC RMN Davao kang Senior Fire Officer 3 Ramil Gillado, Investigation chief sa Davao City Fire District, gibutyag niini giandam na ang mga dokumento, affidavit sa witness ug mga complainant aron ipasaka karong adlawa.
Si Mananlong, gilayong nadakpan ug giturn over sa Barangay Hall aron imbestigahan.
Base sa datus nga gipagawas sa City Social Welfare & Development Office (CSWDO), 99 ka pamilya ang apektado sa sunog, 8 ka individuals, 57 ka balay ang totally damage, 2 ang partially damage, 29 ka sharer, 9 ka renters ,2 ka caretaker ug 8 ka boarders. Apil nga nasunog ang pito (7) ka classrooms sa Cong.Manuel M.Garcia Elementary School.
RadyoMan Don Pulayao
