CAUAYAN CITY – NAHULI NG MGA AWTORIDAD ANG ISANG LALAKI MATAPOS UMANONG MAGNAKAW NG MOUNTAIN BIKE NA NAGKAKAHALAGA NG ₱15,000 SA LUNGSOD NG CAUAYAN.
SA ULAT NG CAUAYAN CITY POLICE STATION, KINILALA ANG SUSPEK BILANG SI ALYAS “GEL”, 26-ANYOS, ISANG HELPER AT RESIDENTE NG MARABULI 1, CAUAYAN CITY.
ANG BIKTIMA NAMAN AY SI ALYAS “LES”, 23-ANYOS, ISA RING HELPER MULA SA SAN FERMIN, CAUAYAN CITY.
BATAY SA IMBESTIGASYON, NAPANSIN UMANO NI LES NA NAWAWALA ANG KANYANG MOUNTAIN BIKE NA INIWANG NAKA-PARK SA ISANG WAREHOUSE.
MAKALIPAS ANG ILANG ORAS, HABANG BINABAYBAY NG BIKTIMA ANG KAHABAAN NG DAAN SA SAN FERMIN, NAKITA NITO ANG ISANG BISIKLETANG KATULAD NG KANYANG PAG-AARI.
MATAPOS MAKUMPIRMA NA ITO ANG KANYANG BISIKLETA AY AGAD ITONG HUMINGI NG TULONG SA BARANGAY TANOD AT PULIS UPANG MABAWI ANG KANYANG MOUNTAIN BIKE.
SA NGAYON, NASA KUSTODIYA NA NG CAUAYAN POLICE STATION ANG SUSPEK HABANG INAAYOS ANG MGA DOKUMENTONG KINAKAILANGAN PARA SA KASONG ISASAMPA SA KANYA.
