Davao City – Dakung uyon ang usa ka iladong political analyst sa postura ni Pres. Rodrigo Duterte mahitungod sa pagpaundang sa peacetalks tali sa gobyerno ug sa New Peoples Army (NPA).
Sa interbyu kang University of the Philippines (UP) professor Clarita Carlos sa tulumanong ‘Straight to the Point,’ gisulti niini nga sa taudtaud nang panahon, napruwebahan nga haguka kun kulang sa sinseridad ang rebeldeng pundok sa hisgotanang pangkalinaw aron sulbaron ang mag-50 anyos na nga Maoist communist insurgency denhe sa Asya.
“Dapat matagal nang ginawa yan kasi habang nakikipag-usap sila, there is continuing violence happening on the ground,” segun sa academician.
Mas gipaburan ni Carlos, kinsa ehekutibo usab sa Stratsearch Group nga ang localized peacetalks nga giduso karon ni Davao City Mayor Sara Duterte-Carpio gituhuang mas epektibong pamaagi sa pagkab-ot sa gipangandoy nga estabilidad.
“Kasi yung mga tao na ‘yan (NPA), nearest to what they feel is needed… If the local executive would respond to what they need, I don’t think this insurgency would last long,” pangagpas ni Carlos.
Dugang sa propesor, dugay na kining isyu sa laing kanasuran gani angay’ng masabtan sa mga rebelde nga adunay gikinahanglang ‘give-and-take’ kun ‘modus vivendi’ alang sa katumanan sa gipangandoy natong kalinaw sa nasud-Pilipinas.
RadyoMaN Jason Amisola
