Atol sa prayer rally nga ilang gilusad niadtong Abril 11, 2024 sa Provincial Capitol, iyang gibutyag nga ang giatubang niya karon usa ka inhustisya nga daw gitanggalan siya og katungod nga muserbisyo bisan paman siya nanarbaho og tarong.
Gibarugan sa Gobernador nga wala siya nagbinuang sa iyang pagka-public servant ug adunay daghang maayong nabuhat ang iyang administrasyon alang sa probinsya.
“Wala nakita sa national government ang tanan nakong paningkamot alang sa katawhan sa Davao del Norte. Ang paghatag og serbisyong tinud-anay sa katawhan. Kaya sakit kaayo sa akoa nga kita nagtrabaho og tinarong, mao na hinuoy gibabaan og suspension order. Ug ang gipalingkod sa Acting Governor, mao na hinuon ang gitudlo sa mga witness nga involved sa ayuda scam,” dugang sa gobernador.
Mihangyo usab si Jubahib sa katawhan sa Norte nga padayon ang pagsuporta ug pag ampo diha sa ilang pakigbisog sa pagkab-ot sa hustisya ug kaangayan.
RadyoMaN Ivy Parido
