Suspetsado sa kasong Frustrated Homicide, mitahan

23

Boluntaryong mitahan sa mga kapulisan ang suspetsado sa kasong Frustrated Homicide kagahapong adlawa didto sa Valencia City Police Station.

Giila kining misurender nga si Victor Bonalos, 33 anyos, ulitawo ug mulopyo sa Brgy. Talon, Gingoog City ang kinsa miangkon nga suspetsado sa pagpangulata sa usa ka Jerry Lasain, 36 anyos, ulitawo ug mulopyo sa p-2, Liloan, Valencia City, Bukidnon.


Sumala sa taho sa kapulisan, ilawom sa impluwensiya sa ilimnong makahubog ang suspetsado ug ang biktima sa dihang nahitabo ang pagpangulata. Mikuha og puthaw de tubo ang suspetsado og sa walay rason gibunal kini ngadto sa ulo sa biktima. Dali-dali nga gidala sa Polymedic Hospital sa Valencia ang duguan nga biktima ug gitransfer sa Bukidnon Provincial Hospital (BPH)-Maramag.

Nakompirma usab sa mga kapulisan ang maong istorya sa dihang personal nilang gisusi ang biktima sa balay tambalan.

Samtang, gibalhog na sa Valencia City Police Station ang suspetsado alang sa tokmang disposasyon.

Facebook Comments