Sirawai, Z.N – Malampusong nadakpan ang usa ka suspetsado sa pagpandungab didtong dapita sa lungsod sa Sirawai, Zamboanga del Norte atol sa gilusad nga hot pursuit operation sa mga otoridad, pasado alas 2:00 ang takna sa kahaponon.
Sa report sa PNP Sirawai nga paigon na untang mosibat ang suspetsado nga nailang si Merryjun Machete Anghag, 27 anyos, usa ka mag-uuma human sa nahimong krimen, apan na-apsan kini sa mga otoridad sa may Purok 1, Brgy Bongon, lungsod sa Sirawai, ning lalawigan.
Sumala pa ang dinakpang si Anghag maoy gitumbok nga nidungab patay sa biktima nga si Sunny Torayno, 27 anyos, usa sab ka mag-uuma og silingan ra sab niini.
Migawas sa imbistigasyon sa PNP Sirawai nga ayha nahitabo ang krimen kining supetsado og biktima nag-inom pa sa ilimnong makahubog hangtud nga nagkalalisay nga nisangpot sa pagdugab sa supetsado ngadto sa biktima igo sa nagkada-iyang bahin sa lawas nga niresulta sa wa damhang kamatayon niini.
Sa karon ang suspetsadong nadakpan kasamtangan nang gipriso sa Sirawai Municipal Police Station.
