Davao City- Gisikop sa kapulisan sa San Pedro PNP sa panguna ni Police Officer 1 Caasi kauban ang Barangay Tanod ang usa ka suspetsado sa pagpangarnap og motorsiklo alas 9:30 sa gabii sa may Jacinto Extension Brgy. 11-A ning dakbayan.
Sa report gikan San Pedro PNP, naila ang biktima sa pagpangarnap mao si Mendhel Sayon, hingkod ang edad ug nagpuyo sa nasampit nga lugar samtang ang suspek ginganlang Juven Salinde, nagpuyo sa Brgy. Aligre Sta. Cruz, Davao del Sur.
Matud pa sa biktima, samtang iyang giparking ang iyang MCX 250 nga motorsiklo sulod sa iyang pinuy-anan, iya nalang nadiskobrihan nga nisulod ang suspek sa panimalay dayun kuha sa motorsiklo hinungdan nagpakitabang sa kapulisan ang biktima ug didto naaresto ang suspek.
Ang dinakpan balhug na sa San Pedro PNP ug moatubang sa kasong pagpangarnap.
RadyoMan Don Pulayao
