Davao City – Nadakpan sa kapulisan sa Sta. Ana PNP ang usa ka suspetsado sa pagpanglungkab alas 7:30 kagabii sa Barpa Brgy. Leon Garcia Agdao ning dakbayan.
Ang dinakpan usa ka Jerry Orcullo, 23 anyos, residenti sa nasampit nga lugar.
Narecover sa kapulisan ang usa ka furla shoulder bag nga mokantidad og 45,000.00-mil ka pesos, iPhone 6S plus nga mukantidad og 55,000.00-mil ka pesos, iPhone 7 plus nga 60,000.00-mil ka pesos, make-up kit nga mobalor og 7,000.00-mil ka pesos ug uban pang mga gamit.
Kahinumdoman niadtong milabayng adlaw human mireklamo ang usa ka ginang nga ginganlang Stella Abrantes, 46 anyos, nagpuyo sa San Isidro Buhangin.
Matud pa, gilungkab ang iyang sakyanan sa naasoyng suspek samtang giparking kini sa dalang Cabaguio Avenue ning dakbayan ug didto nadiskobrehan nalang sa tag-iya nga nahanaw na ang iyang mga gamit ug igo nalang sa pagreklamo sa presinto sa kapulisan.
Ang dinakpan balhug na sa Sta. Ana PNP ug moatubang sa kasong pagpanglungkab.
RadyoMan Don Pulayao
