Davao City – Patay ang usa ka 29 anyos nga lalaki human na-neutralize sa kapulisan samtang nagatransak ug druga alas 7:00 sa gabii sa may Km. 24 Bunawan district ning dakbayan.
Sa report gikan sa Bunawan PNP nasayran nga ang napatay nga suspetsadong drug pusher nga nisukol sa kapulisan naila sa pangalang Gilbert Caballero, residente sa nasampit nga lugar.
Gikanayun ni Police Chief Inspector Estrello Ramiso, station commander sa Bunawan PNP nga dakpon na unta nila si Caballero tungod kay nagbaligya’g illegal drugs atol sa buybust operation apan kalit kining nihulbot sa iyang 38 kalibreng revolver ug gipangpusil ang mga pulis, maayo nalang kay way naigo nga mga otoridad kinsa nibalos pagpusil hinungdan sa kamatayon sa suspek.
Narecover sa kapulisan gikan sa crime scene ang armas sa suspek samtang ang patayng lawas niini gidala na sa ilang pinuy-anan sa Bunawan syudad sa Dabaw.
Kasamang Don Pulayao
