Suspitsado sa pagpamaligyag shabu nadakpan

25

Kumalarang, Zamboanga del Sur – Kasong paglapas sa Republic Act 9165 ang gi-andam nga ipasaka sa usa ka suspitsado sa pagpamaligyag shabu human kini nga nadakpan sa joint drug buy bust operation sa mga kapolisan kumalarang kauban ang Philippine Drug Enforcement Unit (PDEU) Zamboanga del sur sa pagpangulo ni Police PLT David A Pintado, nga dunay koordinasyon sa PDEA Zamboanga del Sur, atol sa gipahigayon nga operasyon alas 10:00 sa gabii sa Purok 2, Barangay Boyugan West, Kumalarang, Zamboanga.del Sur.
Ang dinakpan naila sa pangalang si Akmad Amil Abas, 34 anyos minyo ug resident Purok 2, Barangay Boyugan West, Kumalarang, Zamboanga del Sur .
Nakuha gikan sa dinakpan ang duha ka gagmay nga pakete sa gituhu-ang shabu ug usa ka libo nga maoy gigamit isip mark money.
Ang dinakpan ang temporaryo kini nga gipreso sa Philippine Drug Enforcement Agency (PDEA) custodial facility alang sa tukmang disposasyon.

Facebook Comments