CAUAYAN CITY — ISINUSULONG NG CABARUAN SOLAR-POWERED PUMP IRRIGATION PROJECT (SPIP) ANG SUSTAINABLE FARMING KUNG SAAN, SA PAMAMAGITAN NG MAHIGIT 1,000 SOLAR PANELS NA NAKALINYA SA PASILIDAD, NAGAGAWA NITONG MAGBIGAY NG HIGIT 739,000 WATTS NG KURYENTE NA NAGPAPAANDAR SA DALAWANG MALALAKAS NA SUBMERSIBLE PUMPS NA GINAGAMIT NGAYON SA PAGPAPATUBIG NG MGA SAKAHAN.
AYON SA PAMUNUAN NG SPIP, KAYANG MAGLABAS NG TIG-12,800 GALLONS NG TUBIG KADA MINUTO ANG BAWAT PUMP, SAPAT PARA PATUBIGAN ANG 350 EKTARYANG SAKAHAN NA DATING HIRAP SA TUBIG.
MAHIGIT 230 MAGSASAKA NA NGAYON ANG NAKIKINABANG DITO AT MALAKING GINHAWA UMANO ANG DALA NG PROYEKTO DAHIL HINDI NA KAILANGANG GUMASTOS NG LIBU-LIBO PARA SA KRUDO.
BUKOD SA MATIPID, MAS TUMAAS PA ANG KANILANG ANI AT MAS NAKAKAPAGPLANO SILA NG PAGTATANIM NANG WALANG PANGAMBA SA KAWALAN NG IRIGASYON.
AYON SA MGA MAGSASAKA, ANG DATING NAKAKAPAGOD AT MAGASTOS NA PAGPAPAANDAR NG DIESEL-POWERED PUMPS AY NAPALITAN NG MAS MURA, MALINIS, AT MAAASAHANG ENERHIYA MULA SA ARAW.
ITINUTURING NGAYON NG MGA RESIDENTE ANG SOLAR-POWERED IRRIGATION BILANG ISANG MALAKING TUGON SA MGA GASTUSIN NG KANILANG MGA SAKAHAN.
