Susunod na speaker, dapat may maganda ring relasyon sa mga kongresista – beteranong mambabatas

135

Manila, Philippines – Naniniwala si House Deputy Speaker Sharon Garin na nakadepende sa relasyon sa mga mambabatas at kay Pangulong Rodrigo Duterte ang tagumpay ng hihiranging bagong Speaker sa 18th Congress.

Ayon kay Garin, magiging epektibo ang leadership ng Speaker kung maganda ang koordinasyon sa humigit kumulang tatlongdaang kongresista at inirerespeto ang mga leader ng mga partido.


Mahalaga rin aniya na samantalahin ang potensyal ng House members kaya malaki ang papel na gagampanan ng mga itatalaga sa posisyon tulad ng deputy speakers.

Itinanggi rin ng kongresista na may nagaganap na vote buying sa Kamara para makuha ang speakership at wala siyang personal na karanasan.

Samantala, pinayuhan naman ni Garin ang mga bagitong kongresistang papasok sa 18th Congress na patunayan ang kanilang husay sa trabaho at hindi nakuha ang estado dahil lamang kamag-anak sila ng mga beteranong mambabatas.

Facebook Comments

From Advertisers