SUV nga nahulog sa deep hole sa Tagum giimbestigahan

324

Davao City – Ginasuta karon sa Tagum City Police Station kung adunay mga warning device sa deep hole/canal drainage asa nahulog ang usa ka SUV (sport utility vehicle) ala-1:10 sa kaadlawon kagahapon (October 12, 2021) sa Purok 1-A Barangay Magdum, Tagum City, Davao del Norte.

Sa interbyu sa DXDC RMN Davao kang Police Lieutenant Colonel Ruth Dizon, Chief of Police (COP) sa Tagum City Police Station, giila niini ang driver sa SUV nga mao si Dennis Donesa, 63-anyos, taga Bucana, Davao City nga nagbiyahe gikan sa Tagum National Highway padulong sa Mawab, Davao de Oro ayha nahitabo ang disgrasya.


“Pag-abot niya sa atong place of accident, nag-lose control siya sa iyang sakyanan. Mao ‘to nahulog siya didto sa may kanal nga gina-construct,” gibutyag ni Dizon.

Matud ni Dizon, nakahiagom lamang og minor physical injuries ang driver sa SUV nga gilayong girespondehan sa rescue team ug nasayrang dili kini lango sa ilimnong makahubog, samtang nagbaton usab og damage ang sakyanan.

Gikumpirma usab sa police official nga ayha nahulog ang SUV, aduna kini na-side sweep o gi-hit and run nga motorsiklo sa overpass sa maong lugar diin nakahiagom usab og minor injuries ang biktima apan na-settle na ang duha ka kampo ug andam nga mubayad ang driver sa biktima.

RadyoMaN Kirby Manzon



Facebook Comments