Swab test alang sa tanang empleyado sa Kagamhanang Probinsyal sa Bukidnon, ipahigayon

IPAHIGAYON ang swab test sa tanang empleyado sa Kagamhanang Probinsyal sa Bukidnon sugod karong semanaha, kini ang gipamahayag ni Governor Jose Ma. R. Zubiri Jr., atol sa gihimong panagtigum nga gitambongan sa mga hepe sa tanang departamento dili pa lamang dugay.

Sa pasiunang pamahayag sa gobernador, iyang gihisgutan ang nagkataas nga kumpirmadong nag positibong kaso sa COVID-19 sa tibuok nasud og mismo dinhi sa probinsya sa Bukidnon nga basi sa report nga natala sa Provincial Health Office official Facebook account as of Agosto 3, niabot na kini sa 93 diin singkwenta ang nagpadayun sa ilang pag kwarentinas og kwarentay’ tres niini ang naka humana og naka recover diin kasagara kanila nagagikan sa kaulohang Manila nga nakahatag og dakong pagka dismaya kaniya tungod sa nahitabo nga unta kini sila bago nahiuli gisiguro nga limpyo sila og wala magdala sa maong sakit.

Ingon pa ni Governor Zubiri nga adunay pagsaka tulo (3) hangtud lima (5) ka kaso matag adlaw og pag-ubos sa usa o duha diin sulod sa pito ka adlaw o sa usa ka semana anaay upat (4) ka adlaw nga adunay natalang pagsaka.


Tungod niana, nahadlok ang gobernador dili lamang sa tanang katawhan sa Bukidnon apan lakip na niini ang mga empleyado sa kagamhanang probinsyal nga basin mahitabo nga adunay isa o duha kanila ang adunay nataptan sa sakit nga COVID-19. Matud pa niya, dili siya gusto nga maulahi na ang tanan og karong panahona ang saktong panahon nga mahibaloan kun aduna man galing sakit aron maandam ang tanan, mahatag gidayon og hinanaling aksyon aron sa kaulihian mahimong adunay kalinaw sa huna-huna sa matag usa.

Gimanduan sa gobernador ang opisina sa PHRMO alang sa schedule sa matag opisina og usab gimanduan ang opisina sa Provincial Budget alang sa pag gahin og salapi aron igasto sa himoung swab testing sa 3,682 ka mga empleyado sa kagamhanang probinsyal lakip na ang mga Job Orders niini.

Facebook Comments