Swab testing para sa outpatient ng National Kidney and Transplant Institute, ipagpapatuloy ngayong araw

Ipagpapatuloy na simula ngayong araw ng National Kidney and Transplant Institute (NKTI) ang outpatient COVID-19 RT-PCR swab testing.

Pansamantalang pinatigil ng ospital ang swab testing mula noong Hunyo 18 hanggang 20 dahil sa system maintenance activities ng PhilHealth.

Sa abiso ng NKTI, magre-resume ang swabbing ng ala-siyete hanggang alas-dies ng umaga at limitado lang sa 50 pasyente.

25 pasyente naman ang pagbibigyan pagsapit ng alas-tres hanggang ala-singko ng hapon.