Davao City – Magpadayon gihapon hangtod karong adlawa, adlawng Domingo ang National SWAT Competition.
Sumala ni PNP Chief Ronald Bato Dela Rosa atol sa Flag Ceremony didto sa Camp Crame ianunsyo ang mga mananaog sa kumpetisyon diin di muubos sa 60 ka mga pinakamaayong personahe sa SWAT TEAM sa PNP, AFP, Air Force ug Navy ang nagsangka sugod niadtong Marso Uno sa Team Davao Firing Range Maa, Davao City.
Nahinayon gihapon ang naka-schedule nga Closing ceremony kagabii.
Segun ni Dela Rosa wala pa gyod ensaktong kantidad kung pila ang itunol isip premyo sa mga mudaog sa SWAT competition.
“Ginaapabot pa nako katong approval gikan kang presidente nga bahin-bahinon nga cash award for the winning teams,” matud ni Dela Rosa.
Adunay nagkadaiyang award nga dawaton ang winning SWAT team nga nisulod sa TOP 3 sa OVER-ALL, Top 3 sa AFP, Top 3 sa PNP, ug ang magkampeon sa napulo ka stages matud ni Dela Rosa.
RadyoMaN Aimee Guinita
