Usap-usapan ngayon ang movie date ng Queen of All Media na si Kris Aquino kasama ang si Quezon City Mayor Herbert Bautista.
Marami kasi ang nagtatanong kung, magkakabalikan na ba ang dalawa.
Ayon kay Krissy kung sakaling magtutuloy-tuloy ang pagkakamabutihan nila ay pwede naman daw, pero gusto niya munang matapos ang termino ng Mayor.
Matatandaang dalawang beses na inalok ng kasal ni Bistek si Krissy pero hindi matuloy-tuloy at hanggang sa ngayon ay nanatili pa rin silang magkaibigan.
Samantala
All-set na ang royal wedding nina Prince Harry at soon-to-be bagong myembro ng royal family na si Meghan Markle sa St. George’s Chapel, Windsor Castle United Kingdom.
Ito ay sa kabila ng hindi na makakadalong ama ni Meghan na si Thomas Markle dahil sa kanyang katatapos lang na heart operation.
Dahil dito, si Prince Charles na mismo, ama ni Prince Harry ang maghahatid kay Meghan sa altar para sa pinakaaabang na Royal Wedding.
