Davao City – Angayan lang nga usbawan ang sweldo sa mga trabahante tungod kay dili na gayud makapaigo nunot sa nagkataas usab nga presyo sa mga palaliton.
Sumala ni Alan Tanjusay sa Associated Labor Union – Trade Union Congress of the Philippines (ALU-TUCP), gikinahanglan na siya nga usbawan tungod kay paspas usab ang pagsaka sa presyo sa palaliton.
Una niini giduso usab sa ALU-TUCP nga parehoon ang usbaw sa sweldo sa kaulohan ug mga lalawigan tungod kay ang presyo kung mosaka pareho man usab.
Gihayo usab ni Tanjusay sa gobyerno nga hingusgan ang kampanya batok sa mga negosyanteng mapahimuslanon aron mapugngan ang pagtaas sa mga presyo.
Giingon pa ni Tanjusay, aron naay depensa batok kalisud sa ekonomiya, kinahanglan ang mga wage board magsabot-sabot aron tukion kung pila ang ipatumang usbaw sa suholan.
RadyoMaN Bernard Pantallon
