Sweldo sa mga health workers sa Agusan Norte patas-an

57

USBAW SA SUHULAN SA TANANG MGA MEDICAL PRACTITIONERS SA AGUSAN DEL NORTE, SAYONG PAMASKONG REGALO SA LGU
#sanaall
Gipakita sa kagamhanang probinsyal sa Agusan del Norte ubos ni Gov. Dale Corvera ang paghatag ug bili sa tanang mga medical practitioners nga nagserbisyo sa Agusan del Norte Provincial Hospital ug tanang mga Municipal District Hospitals sa tibook lalawigan, pinaagi sa pagpasar ug ordinansa nga nag-usbaw sa ilang suhulan.
Si Board Member Virgilio Escasiñas, chairman sa Committee on Human Resources and Development ug Labor and Employment sa Hunta Probinsyal sa Agusan del Norte maoy nangamahan sa ordinansa numero 569-2020 kung asa malampusong napasar sa Hunta Probinsyal niadtong Oktubre 15 ning tuiga ug ‘retroactive’ ang aplikasyon niini.
Gibutyag ni Bokal Escasiñas nga ang maka-benipisyo sa usbaw sa suhulan ang mga doctors, nurses, consultants sa mga hospitals isip pagtubag sa ilang mga demanda.
Pinasikad sa maong ordinasa ang sweldo sa Nurse 1 Salary Grade 11 nga P20,084 matag buwan ang mahimo na’ng P28,848 ubos sa Salary Grade 15.
Gihulagway ni Bokal Escasiñas nga sayong pamaskong regalo sa probinsya ang pag-usbaw sa suhulan sa mga medical practitioners ilabina niining panahon sa pandemya.
Samtang kadtong mga Job Orders (JO) nga adunay ‘highly technical function’ ang nagdawat na karon ug taas nga sweldo.

Facebook Comments