Katunga sang mga Filipino ang nagpahayag nga malipayon sila sa ila love life base sa resulta sang pinaka-ulihi nga survey sang Social Weather Stations (SWS).
Base sa survey, 51% sang mga Filipino adult ang nagpahayag nga malipayon sila sa ila love life; 36% ang naghambal nga puwede sila mangin malipayon samtang 13% naman ang naghambal nga wala sang love life.
Ginhiwat sang SWS ang survey sang Disyembre 16 tubtob 18, 2018 paagi sa face to face interview sa 1,440 adults nga naga-edad 18 anyos pasaka, nationwide — tag 360 sa Balance Luzon, Metro Manila, Visayas kag Mindanao.
Mas manubo naman ang resulta sang survey kon ikumparar sa 2017 SWS survey sa diin 57% ang nagpahayag nga malipayon sila sa ila love life; 29% ang naghambal nga puwede sila mangin malipayon samtang 14% naman ang naghambal nga wala sang love life.
Photo from web
