Metro Manila, Philippines – 7.2 million ka mga Filipino adults ang wala sang obra suno sa fourth quarter survey sang Social Weather Stations (SWS), nga amo man ang pinakanubo sa sulod sang 13 ka tuig.
Lakip diri ang mga kusa nga nag-resign sa ila trabaho, nadula-an sang trabaho bangud sa economic circumstances nga wala sa ila kontrol, kag mga first-time job seekers.
Mas manubo man ang joblessness rate sadtong December 2017 kun ikumparar sadtong September 2017, kun sa diin nagapakita ini nga 18.9% ukon 8.7 million ka adult Filipino ang wala sang ubra, ang pinakanubo na sumugod sadtong March 2004 nga 9.8% sang mga adults ang wala sang obra.
Ginkalipay naman sang Malacanang ang nasambit nga resulta sang survey.
Dugang pa, 53% sa mga ginsurvey ang nagapati nga makakita sila sang trabaho sa madasun nga 12 ka bulan, 24% ang nagsiling nga wala gihapon sang pagbag-o, kag 12% naman ang nagapati nga indi sila makakita sang obra.
Nagdangat man sa +41 ukon ‘excellent’ ang net optimism sini, ang pinakataas na sumugod sadtong 1998.
Suno sa sa palasyo, mas magadamo pa gid ang obtra bangud sa Tax Reform for Acceleration and Inclusion Act, nga magadugang man sang infrastructure investments sa pungsod. *rcsg*
———————
Like our official Facebook page: www.facebook.com/ifmbacolod943
