Davao City – Magsugod na karong adlawa ang enrollment gikan kinder hangtod sa highschool alang sa school year 2018-2019.
Atol sa interview sa DXDC RMN Davao sa tigpamaba sa Department of Education kun DepEd XI Jenielito Atillo, mas sayo ang enrollment karong tuiga tungod sa nahitabong eleksyon.
Apan matud pa temporaryong undangon ang enrollment atol sa pagsugod sa Brigada Eskwela sunod semana, Mayo 28- Hunyo 2 hinuon magpadayon ang enrollment paghuman sa brigada.
Dugang ni Atillo nga kinahanglan lang isumite ang mga rekisitos alang sa enrollment sama sa report card sa mga bata ug uban pang credentials apan og kulang ang rekisitos nga dala, mamahimo gihapong maka-enroll ang mga bata sa tulunghaan.
Una ng giingon sa tigpamaba nga magsugod ang klase karong umaabot nga Hunyo 4.
RadyoMaN Aimee Guinita
