TACLOBAN CITY – 51 anyos nga babayi tikang ha Catarman, Northern Samar an syahan nga kompirmado nga kaso han coronavirus disease (COVID19) dinhi ha aton dapit Eastern Visayas, ini in sumala han DOH-R8.
Nakarawat han DOH-R8 an test result tikang ha Research Institute of Tropical Medicine (RITM) yana nga adlaw, March 23 kun diin adlaw gihapon unta niya nga ig-discharge ha Eastern Visayas Regional Medical Center (EVRMC) matapos hiya makarekober ha mild to severe flu-like symptoms.
An pasyente in tikang ha Japan ngan umabot ha Manila dida han January 2. Umukoy hiya ha Greenhills, San Juan ha sakob han duha (2) kabulan. Umabot hiya ha Catarman, Northern Samar dida han March 4 ngan umabat han severe acute respiratory infection symptoms dida han March 7.
Gin-admit hiya ha hospital ha Northern Samar dida han March 10 ngan gintransfer ha EVRMC dida han March 12.
“Dapat mag-ikmat kita kay it mikrobyo anhi na ha aton” – DOH-R8 Director Minerva Molon.
