Davao City – Usa ka symbolic ang gibuhat karon sa closing ceremony sa Davao Region Athletic Association kun DAVRAA Meet 2018 sa pagpresenta sa mga atleta nga mudula sa Palarong Pambansa karong tuiga.
Sumala ni Department of Education kun DepEd Spokesperson Jenielito “Dodong” Atillo nga ang kabag-uhan sa pagpresenta sa mga atleta alang sa Palaro mao ang samtang ginabasa ang ilahang pangalan, gina-flash usab kini sa stage pinaagi sa power point.
Dugang ni Atillo nga murag graduation ang set up niini tungod kay dawaton ni Regional Director Alberto Escobarte ang maong mga manunula isip pagdeklara kanila nga delegados sa Palaro nga ipahigayon sa Vigan, Ilocos Sur.
Sa pikas bahin, paningkamutan sa Davao Region nga mutaas pa ang rango niini sa umaabot nga Palaro diin kahinumduman nga nag- rank 7 ang rehiyon sa nasangpit nga paugnat sa kusog nga gihimo sa Antique niadtong 2017.
Matud ni Atillo nga ianunsyo sa musunod nga mga adlaw og asa ipahiluna ang training sa mga batang atleta diin human niining DAVRAA tutukan gilayon nila ang training.
RadyoMaN Renz Barbarona
