*General Santos City— Nanawagan karon si Pastor Joel Apolinario, Founder sa Kapa Community Ministry International ngadto sa iyahang mga miyembro nga mupartisipar sa himuong synchronized nga prayer rally sa tibuok nasud nga adunay buhatan sa kapa.*
*Sa nagkatag karon nga video online, gipa-abot niini ang maong pahibalo dungan sa panawagan nga suportahan ang maong kalihukan aron nga mapabati sa gobyerno nga daghan ang maapektuha higayon nga hingpit nga mapasirado ang KAPA.*
*Sumala niya nga tungod sa freeze order sa tanang asset ug bank account sa KAPA, wala silay laing kakuhaan ug pondo alang sa mga empelyado niini ug sa paghatag ug financial assistance ngadto sa iyahang mga iyembro.*
*Dugang pa ni Pastor Apolinario nga sa karon wala silay laing nakit-ang solusyon aron makumbinsi ang pangulo nga tugutang nakabalik ug operate ang KAPA kundili pinaagi sa maong synchronized prayer rally.*
*Gi-angkon man usab niini sa maong video nga sa karon, pabilin siyang nagatago gumikan sa mga bahad sa iyahang kinabuhi, rason nga nangayo usab siya ug pagsabot sa iyahang mga miyembro.*
*Apan wala niini gibutyag sa maong video kung kanus-a pagahimuon ang maong prayer rally.*
