Davao City- Suportado sa lokal nga panggamhanan sa Davao ang pagwagtang sa balaud-militar dinhi sa Mindanao.
Sa pakighinabi sa media kang Davao City Vice Mayor Sebastian ‘Baste’ Duterte, siya nagtoo nga adunay igong basehan si Pres. Rodrigo Duterte sa maong desisyon.
“That is the disgression of the president, kung tan-aw niya dili na kinahanglang i-extend ang martial law, I suppose naa na gyod syay sufficient wisdom and knowledge on that matter. Iyahang decision and I will honor that kay mas nakabalo gyod siya sa atoa,” segun sa bise-mayor.
Samtang gisugilon karon ni City Mayor Sara Duterte pinaagi sa usaka official statement nga daku’g ikatabang ang pagwagtang sa martial law sa ekonomiya sa atong syudad.
Sumala sa mayor, mas muagni kini karon og daghang mga turista ug investors sanglit dili kalikayang adunay mga gibati’g kabalaka sa depinisyon ug implementation sa martial rule denhe sa Davao.
“When it comes to local investment, there is no problem. But in the international community, the declaration of martial law and travel ban coming from their governments really affected us,” dugang sa hepe-ehekutibo.
Subay niini, giduso karon sa hawanan sa 19th City Council ang usaka resolusyon maghangyo sa Philippine National Police (PNP) nga ipadayon ang suspension sa Permit to Carry Firearms Outside of Residence (PTCFOR) sulod sa usa ka tuig human ang December 31 termination.
Sa pikas bahin, dili na makatambong pa ang bise-alkalde sa katapusang duha ka mga legislative sessions karong sunod semana sanglit siya man ang molingkod nga Acting Mayor sa Davao karong December 13-22 gumikan on leave ang city chief executive.
RadyoMaN Aimee Guinita
