Davao City – Gi-awhag karon sa City Government of Davao nga tambongan Davaoweños ang ipahigayong opening ceremonies nga pagahimoon karong Marso 1 alas 6:00 sa gabii sa Rizal Park ning syudad.
Kaganiha sa Pulong-Pulong ni Pulong, gibutyag gibutyag ni Councilor Al Ryan Alejandre, chairman sa SP Committee on Tourism and Beautification, nga andam na sila sa umaabot nga ika-81 nga Araw ng Dabaw.
Kalabutan sa seguridad, sumala ni Alejandre nga nakig-koordinar na sila sa City Public Safety and Security Command Center (PSSCC), Task Force-Davao (TFD) ug Philippine National Police (PNP) diin plastado na ang tanan.
nahisgotan usab kaganina ang kabahin sa history sa Araw ng Dabaw diin sa pagtoon ni City Councilor Melchor Quitain, chairman sa SP Committee nga Marso 1 pagasugdan na ang selebrasyon sa sa Araw ng Dabaw apan gani nahimo nang tradisyon nga ika-16 sa Marso ang katapusan sa tinuig nga aktibidad.
Kahinumdoman nga aduna nay 21 ka mga events nga ipahigayon sa maong selebrasyon gumikan sa pag-adaptar sa mga wala nadayon nga events kaniadtong Pasko Fiesta nga mao ang ‘Koro sa Pasko’ diin gitawag na karon og ‘Koro Dabawenyo’, ‘Lamdag Parada’, ‘Yugyugan sa Dabaw’ ug ‘Tugtugan sa Dabaw’. Gani malaumon si Alejandre sa malampusong selebrasyon sa umaabot nga ika-81 nga Araw ng Dabaw.
RadyoMaN Jason Amisola
