Davao City- Gikinahanglan ang Mental Health Program sa syudad sa Davao aron matabangan ang mga nalisu-an sa pangisip tungod kay ang uban naglatagaw na lamang sa kadalananan.
Sumala ni Dr. Gene Gulanes, Davao City Treatment & Rehabilitation Center for Drug Dependents Center Manager, ang giingong mga nagsuroy-suroy mamahimo silang panghipuson sa higayong makahatag na kini sila og kakuyaw sa publiko ug ibutang sa Integrated Psychiatric Behavioral Medicine (IPBM) kanhi davao mental hospital ning syudad, apan kung wala ang uban niini ang magpabilin pa gihapon diha sa mga kadalananan.
Gipasabot usab ni Dr. Gulanes, nagkinahanglan usab sila og pag-atiman sa ila mismong mga tagtungod o pamilya sa higayong makagawas na kay ang uban niini walay mga tagtungod, tungod niini gikinahanglan dinhi ang malahutayong programa aron masolusyonan ang maong problema sa syudad.
Giklaro usab ni gulanes, andam moresponde o motubag ang lokal nga panggamhanan ning syudad pinaagi sa serbisyo, aron dili mosangpot sa pagpakamatay sa giingong dunay mga suliran sa pangisip.
RadyoMan Bernard Pantallon
