ILOILO City – Nagdaug ang syudad sang Iloilo sang P500,000 nga cash kag plaque bilang Filariasis free city sa region 6.
Ang padungog ginhatag sang Department of Health region 6 sa awarding ceremony sang tinalikdan nga bulan.
Suno kay City Health Officer Dr. Bernard Caspe dako nga kadalag-an ang titulo bangud tuman ka makalalaton ang Filariasis ukon ginatawag man nga elephantiasis.
Nagapakita man ini suno kay Caspe nga diri sa syudad sang Iloilo ginahatagan sang prioridad ang ikaayong lawas sang mga residente.
Sa bulig sang DOH nagpanagtag sang bulong ang CHO sa mga kabarangayan.
Nagahimo man sang pilot testing sang mga blood samples ang CHO.
Pasiguro ni Caspe isustain nila ini nga programa.
Ang Filariasis sakit tuga sang lamok kun sa diin nagadalagko ang bahin sang lawas sang tawo kaangay sang tiil, kamot, kinatawo kag suso sang mga babaye. /// photo from web
