SYUDAD sang Iloilo – Indi makuha sang syudad sang Iloilo ang Seal of Good Local Governance (SGLG) award sa masunod nga tuig.
Ini kun indi matdlong sang syudad ang mga nakita nga nakulangan sang syudad sa requirements sang Department of Interior and Local Government ukon DILG.
Suno kay City DILG Director Roy Define, estrikto ang mga evaluators sa ila guidelines kag isa lang ang indi matuman, madisqualify sa awards.
Subong nga tuig nakitaan ang syudad sang kapaslawan nga magamit ang 70% sa pondo sang Local Disaster Risk Rduction and Management fund kag programa para sa gender and awareness mechanisms.
Isa pa sa nakita ni Defino ang kakulangan sang syudad nga maggasto ang 80% sa 1.3 billion nga budget sang Special Education Fund ukon SEF.
Kun basehan ang Disyembre nga deadline, mabudlayan na ang syudad nga mapatuman ang ginarequire nga fund utilization agud maqualify sa SGLG awards.//JPF
