ILOILO CITY – Mangin host ang city kag provincial government sa national convention sang Association of Tourism Officers of the Philippines ukon ATOP sugod subong nga adlaw asta Oktubre 6.
Ginabanta nga 1,200 ka tourism officers, sangguniang bayan members kag government officials gikan sa nagkalainlain nga local government units ang magapasakop sa event.
Suno kay City Tourism Officer Junel Ann Divinagracia, ginaposisyon sang Iloilo ang kaugalingon bilang meetings, incentives, conventions and exhibits ukon MICE destination.
Luyag man ipakita sang syudad nga handa na ini bangud sang kumpleto nga pasilidad para sa ila activities kag accommodation venues.
May nakahanda nga city tour ang syudad para sa mga delegates kun sa diin ipasundayag ang mga matahum nga tourist destinations, mansion kag mga simbahan./// photo ctto
