ILOILO City – May tatlo lamang ka mga lugar sa syudad sang Iloilo nga pwede mabaligyaan sang mga palupok.
Sa idalum sang Executive Order No. 119 gintumod ang mga lugar sang circumferential road 1 sa ginsang-an sang Jocson St. sa Arevalo, sa ginsang-an sang Iloilo East Coast-Capiz road malapit sa Ondoy’s sugbahan kag sa Muelle Loney sa atubang sang estatwa ni Nicolas Loney.
Suno kay city Administrator Atty. Hernado Galvez, ang mga lugar para sa fireworks display amo naman ang Megaworld, SM City car park kag plaza sang Arevalo.
Ginpaathag ni Galvez ginbase nila ang mga lugar sa rekumendasyon sang city fire marshal nga si F/CInsp. Christopher Regencia.
Hugot naman nga idumili ang testing sa lugar kun diin ginabaligya ang mga palupok.
Indi man pwede magluto sa pwesto, dapat may tabon nga plastic ang mga display, maggamit lang sang led lights sa pwesto kag wala sang electrical outlet.
Kinahanglan man nga may isa ka unit sang fire extinguisher sa tagsa ka kiosk.
Photo from web
