Ta plania planta caso

16

Ta plania planta caso el tres familia na Abong-Abong, Pasonanca con el maga miembro del Drug Enforcement Unit del Sta. Maria police despies estos ya entra na diila cada y cual casa y ya planta pusil con el maga hombre ocupante del maga casa.
Na entrevista del RMN Zamboanga con el maga esposa conquien ya planta pusil el maga pulis, ya habla sila adentro sila del diila cada y cual casa cuando derepemte ya lang ya llega y ya patia diila gate el fuerta del casa y ya entra na diila casa.
Asegun el maga pulis tiene con quien ta busca pero nusabe sila si conquien.
Ya empesa planta pusil el maga pulis con el maga hombre ocupantr del maga casa.
Pero ya puede el maga ocupante del casa rempuha pa afuera del casa con el maga pulis hasta ya sale ya lang estos.
Porcausa con este hasta el barangay chairman del Pasonanca si Jun Julian desgustao con el incidente y asegun nuay coordinacion na su opesina el maga pulis.
Maga victim esperamzao ay anda na opesina del Commission on Human Rights oara planta el propio reclamo contra con el maga pulis.


Facebook Comments