Davao City – Mipauli na lamang ang mga pasahero sa Davao International Airport nga dunay biyahe paingon sa kaulohan human nagkansela og biyahe ang pipila ka airline companies nunot sa pagbuto sa bulkang taal kagahapong adlawa.
Alas 9:00 kagabii nagpagula og advisory ang Philippine Airlines ug Air Asia nga gikanselar ang ilang mga flights paingon sa Clark Pampanga ug Manila gumikan sa pagbuga sa asupre sa bulkang taal sa kawangan sa dakong bahin sa kaulohan sukad kagahapong adlawa.
Matud sa usa ka sekyu sa airport kinsa dili na buot magpaila nga mipauli na ang estranded nga mga pasahero ug samtang ang uban nagpa rebook na lamang sa ilang mga tickets sa laing petsa ug adlaw sulod karon nga bulan.
Dismayado ang pipila ka mga pasahero nga gikatakda unta mulupad sa kaulohan karong adlawa sa wala paghatag og abiso daan sa mga airline companies nga kanselado diay ang ilang mga biyahe karong adlawa.
RadyoMaN Joel Viray
