Davao City – Hinay-hinay nang gihikling ang mga apektadong pamilya sa luwas nga lugar sa Batangas human sa epekto sa aktibidad sa bulkang Taal sa lugar.
Sa interbyu sa DXDC RMN Davao kang Butch Mamaril, taga Nasugbu, Batangas, ug usa ka government employee, gibutyag niini nga aduna nay mga evacuees sa mga pampublikong eskwelahan sa ilang lugar diin naggikan kini sa mga barangay nga grabeng naapektuhan sa pagbusikad.
Gibutyag niini nga sa Nasugbu, nakasinati gihapon sila’g mga ginagmay’ng ashfall ug mga pagtay-og human sa Taal eruption apan dili susama sa mga lugar nga nakasinati na og halos zero visibility tungod sa abo gikan sa bulkan.
“Lumilindol, may kunting ashfall pero hindi kami tulad nung mga naranasan ng taga Balete, Agoncillo, na talagang makapal ‘yung mga ashfall nila,” saysay ni Mamaril.
Nasayran nga pipila ka mga klase ug trabaho sa kaulohan ang gisuspende human sa pagbusikad sa taal sa bulkan niadtong Dominggo, Enero 12, 2020.
RadyoMaN Kirby Manzon
