Davao City – Padayon nagdawat og hinabang ang Task Force Davao alang sa buot mo-donar sa mga biktima sa bulkang Taal.
Sa esklusibong interview sa DXDC RMN Davao kang Major Ronnel Legarde, Civil Military Operation Officer/Spokesperson sa Task Force Davao, nagdawat sila’g mga relief goods, food packs, N95 face masks, bottled waters, habol, mosketero, banig ug hygiene kits.
Sa mga buot mudonar og mga relief goods mahimo nila kining ihatod sa Task Force Davao Headquarters, Sta. Ana Wharf Compound, Davao City. Matud ni Legarde, 24 oras abri ang headquarters sa Task Force Davao alang sa pagdawat sa mga hinabang.
Mamahimo usab i-contact ang hotline sa Task Force Davao nga 0917-131-4333, 0999-227-1111 or landline number (082)224 0911.
RadyoMan Don Pulayao
