Pagadian City – Mipauli na sa langitnon nga pinuy-anan si 1st Infantry Division Assistant Commander Brigadier General Bagnus Gaerlan Jr. human nakabsan sa kinabuhi gumikan sa COVID-19.
Kini ang gikumpirma ni Col. Ramon Zalgala, Armed Forces of the Philippines (AFP) Spokesperson alas-5 kagahapon sa buntag nabugtuan sa gininhawa si Gaerlan sa pribado nga ospital sa syudad sa Pagadian.
Ayha nahimong assistant commander sa 1st ID, si Gaerlan nagsilbi kini isip commander sa 102nd Infantry Brigade. Si BGen. Gaerlan usa ka miyembro sa PMA Class 1989.
Nasayran usab nga si Gaerlan ang ikaupat nga miyembro sa ilang class nga namatay gumikan sa COVID 19.
Mahinumduman nga nagpositibo usab sa Covid-19 ang lain pang opesyal sa AFP nga si AFP Chief of staff Lt. Gen. Jose Faustino, apan nakarekober ra kini.
