Davao City-Panawagan sa mga militanteng raliyista dinhi sa Davao nga ipatuman sa National Government ang usaka National Daily Minimum Wage nga P1,100 agig tubag sa kalisud.
Usa kini sa gisinggit karon sa mga progresibong pundok kinsa nagtapok sa Freedom Park karong adlawa atol sa ikaduhang State of the Nation Address (SONA) ni Pres. Ferdinand Marcos, Jr.
Sa interbyu sa DXDC RMN Davao kang Rauf Sissay, miyembro sa Bagong Alyansang Makabayan- Southern Mindanao, gisulti niini nga wala usab hingpit matubag ni PBBM ang problema sa nagkataas nga presyo sa mga palaliton sa nasud nga maoy nakahatag og tumang kalisud sa katawhang Pilipino.
Nakasaway usab si Sissay sa pagdumala ni Marcos tungod kay mas giuna pa ang pagpasar sa Maharlika Investment Fund (MIF) nga gitawag nila nga ‘Maharlika Investment Scam.’
Daku usab ang pagtoo ni Sissay nga adunay corruption diha sa maong pundo.
RadyoMaN Don Pulayao
Facebook Comments
