Nuay asegun regulasyon el govierno local de Zamboanga aserca el operacion del mga habal-habal na pueblo.
Este el revelasyon del Tricycle Adhudication Board(TAB) officer Arturo Cabidog na entrevista del RMN Zamboanga enantes aga.
Asegun con Cabidog,solamente aserca el operacion lang del mga tricycle y PUJ chene el ciudad y hinde inclujido aqui el mga privado motorsiclo qur ya converti como para man viaje o el se llama habal-habal.
Si Babidog ya abla cay si para mira lang,ilegal el operacion de estos aqui na ciudad donde el un privado motorsiclo ta pipina pasajero,sin embargo,nuay na poder del govierno local cuji y dale citation ticket conestos porcausa cay hinde este stipulao na ordinansa del ciudad.
Solamente el LTO lang asegun el chene jurisdiccion conestos y fuede hace cujida canila y privini el diila presencia na mga camino.
Este tiempo,ta prolifera el operaccion del mga habal-habal na entero ciudad y ta queda ya compitencia del mga tricycle porcausa cay ta prifiri tambien munta canila el mga vivientes causa del ta mejora problema de trapico na sentro del fueblo.- Bhong Simbajon/RMN News
