Nahatag na ni Special Assistant to the President Bong Go ngadto sa Vicente Sotto Memorial Medical Center ang P50 milyon nga tseke alang sa Malasakit Center sa maong tambalanan.
Ang director sa VSMMC nga si Dr. Gerardo Aquino maoy nidawat sa tseke gikan ni Go ug gisaksihan usab kini sa regional director sa Department of Health -7 nga si Dr. Jaime Bernadas ug Presidential Assistant fir the Visayas nga si Michael Dino .
Ang pondo gikan sa Social Civic Project Fund sa Office of the President , aron itabang sa Malasakit Center nga gilusad dinhi sa Sugbu niadtong buwan sa Pebrero nga gitambungan usab ni Presidente Rodrigo Duterte .
Sukad gilusad ang proyekto aduna nay 10,000 ka mga pasyente ang nahatagan ug libri nga serbisyo sa VSMMC pinaagi sa Malasakit Center .
