Tabang pinansyal sa mga biktima sa baha sa Bugo, ihatag karong Biyernes

62

Gipasalig ni Congressman Rufus Rodriguez nga dunay financial Assistance nga madawat sa mga biktima sa baha sa barangay Bugo.

Kini nga tabang pinansyal,  i-distribute ni Congressman Rodriguez  sa  Biyernes, Setyembre 13.


Matud ni Rodriguez nga ang tabang pinansyal sa mga mga flood victims iyang nakuha gikan sa Department of Social Welfare and Development kon DSWD.

Gibutyag ni Rodriguez nga iya nang gihikay ang mga rekisitos aron dili na malangan ang pag-release sa pundo sa  national government.

Niadtong nakalabayng adlaw unta i-pang-apod apod ni Rodriguez ang maong financial assistance uban ni Bugo Barangay Chairman Vic Talingting apan napostpone ang maong plano tungod sa gikinahanglan nga rekisitos sa DSWD.

Hinoon, gipahayag ni Kapitan Talingting nga ang mga Flood Victims sa Barangay Bugo, nakadawat na sa ilang immediate assistance kansang pundo gikan sa City hall ug sa ilang barangay.

Gidugang ni Kapitan Talingting nga lakip sa nag-unang  immediate assistance nga  nadawat  sa mga flood victims ang ilang pagkaon.

Facebook Comments

From Advertisers