Davao City – Kapin gatus ka mga pamilya ang nakadawat og food packs sama sa delata ug mga bugas gikan sa City Social Services and Development office CSSDO agi og hinabang sa mga na-demolish sa Brgy26-C ning siyudad sa Davao.
Subay sa datus sa CSSDO, 59 ka House owners ang naapektuhan sa demolisyon, duha ka caretakers, 23 renters, duha ka boarders ug 19 ka pamilya ang sharers apan panawagan sa mga apektadong residente mao ang mahatagan sila og relokasyon diin sa kasamtangan anaa sila nagpondo sa brgy. hall, gym ug mga skwelahan sa Brgy 23-C.
Sa pikas bahin, gikoralan na sa demolition team ang nasangpit nga brgy. ug nagpabilin usab ang hugot nga seguridad sa area tungod sa hulga nga muukopar ang usa ka grupo sa maong luna.
Sumala ni Davao City Police Office kun DCPO Police Senior Supt. Alexander Tagum nga dili nila wad-an og mga pulis ang area aron usab mabantayan kadtong buot muhimo og kagubot.
Dugang niini, posibleng mag atubang og trespassing charges ang musulod nga mga residente sa area nga nakoralan na.
RadyoMaN Don Pulayao
