Tabang sa LGU Davao sa mga naigo sa kalamidad, dili pamulitika

Davao City – Human mitunol og hinabang ang City Government of Davao sa mga biktima sa kalamidad sa ubang mga LGU, aduna matud pay storyang mikatag nga pamulitika kini tungod giingong mudagan si Mayor Baste Duterte sa national position.

Apan giklaro ni Alfredo Baloran, ang head sa City Disaster Risk Reduction and Management Office (CDRRMO) atol sa Ispeak media forum gahapon, August 22, 2024 nga dugay na nagatabang ang Davao City sa mga lugar nga maigo og kalamidad tungod budgeted kini ug nakahan-ay na daan sa plano.

“Kana atong assistance para mana sa mga tawo. In fact practice naman na sa Davao City from the former president/mayor of Davao City hangtod kay Mayor Baste, gipadayon na. Para sa akoa, ang tabang sa Davao City kay heartily extending the support didto sa victim sa calamity sa different provinces,” segun ni Baloran.

Gani niining bag-uhay lang human sa sagunson nga bagyo sa kauluhan ug mga labing naapektuhan sa dry spell, mitunol og assistance ang dakbayan ngadto sa 27 ka mga LGU.

RadyoMaN Ivy Parido