TACLOBAN CITY – Maa-agian ngan makokompleto na sunod nga tuig an four-lane Tacloban Bypass Road kumo aksyon para maibanan an pagbugiot han trapiko ha Tacloban City, ini in sumala han Department of Public Works and Highways (DPWH).
An 924.55 million pesos nga project nga gintikangan dida han tuig 2015 in makokompleto ha bulan han Agosto 2019.
Sumala kan DPWH Regional Director Edgar Tabacon, an three phases han four-lane in kongkreto na dida pa han nakalabay nga tuig. Padayon nga gintatrabaho yana an phase 4 (84.54 percent) ngan phase 5 (4.90 percent).
An 6.4 kilometer bypass road nga nagtikang ha Barangay Tigbao ngan magtatapos ha Barangay Caibaan in constructed na para mauruibanan an traffic ha maharlika highway, sumala han DPWH.
Ha 924.553 million pesos nga gin –alotaga, 126.05 million persos dinhi in para ha first phase, 184.94 million pesos para ha second phase, 163.16 million pesos para ha phase 3, 233.28 million pesos para ha phase 4 ngan 217 million pesos naman para ha phase 5.
Ini nga proyekto in makakabenipisyo an sobra mil nga motorista kada adlaw.
April 2017 unta an target nga original completion han mao nga project pero tungod han road right of way issues in nagdesisyon an DPWH nga ig-adjust an pondo tikang ha 542.48 million pesos ngadto ha 924.55 million pesos.
